Escoita, olla, captura... describe, expón... | Blogues

xuñ 02

Volver á páxina principal
Escoita, olla, captura... describe, expón...

Xov 02 xuñ 2011 18:25:37 | 1 comentarios

Unha experiencia (con materiais) interesante e adaptábel para a área de Lingua cremos que é Escoita, olla, captura: o castelo de San Felipe. Actualización dalgunhas actividades realizadas nas saídas escolares, interdisciplinariedade, localización co apoio de audioguías, uso de ferramentas como o móbil... Simplificando a actividade, o alumnado ten que moverse polo espazo da visita empregando a guía en mp3 e tirar fotos de determinados elementos para traballar logo con elas. Engadirlle a iso a presentación oral das imaxes tomadas, a descrición das realidades recollidas e da linguaxe visual ou a realización por parte do propio alumnado das audioguías e de glosarios, semella case necesario.

A experiencia está presentada na páxina do Congreso Escuela 2.0, no cuarto vídeo desta sesión. Dá gusto escoitar a Carme Cuesta, por certo.

Comentarios

Anxo Rei Hai 24 meses

Semella moi interesante! Ao longo do curso, resulta moi positivo para o desenvolvemento do noso traballo a integración educativa das saídas fóra do centro. A conexión da aprendizaxe na aula co contorno máis ou menos próximo parece imprescindíbel para favorecer o interese do alumnado. Máis alá de contidos, procedementos, ... este tipo de actividades de seguro fará que o alumnado se consolide como grupo de traballo.